Poo-Vodka
Sælir Rugludallar

Ég var um daginn að borða með einhverju fólki hérna, og þar á meðal var Jan, Kanadískur Pólverji sem ég var búinn að minnast á áður. Þetta væru nú varla fréttir nema vegna þess að eftir matinn heimtar Jan að við smökkum heimsins besta vodka, sem hann þóttist eiga til. Ég man ekki lengur hvað hann hét, en hérna kemur sagan um heimsins besta vodka (eða ætti maður að segja "heimsins minnst vonda vodka").

Jan segir að það sé almennur misskilningur að sauðnaut séu útdauð. Þau lifi ennþá á mjög afmörkuðu svæði í Pólandi. Sauðnaut borða mikið og skíta því mikið. Þessi téði skítur, þ.e. sauðnautsskítur er víst mjög góður áburður, og því er grasið á þessu landi þar sem sauðnaut eru mjög frjósamt. Meira að segja er þetta gras frábrugðið grasi annarsstaðar og er kallað Poo-gras (Jan vildi nú samt ekki viðurkenna að þarna væri Poo í merkingunni skítur). Þetta Poo-gras er svo notað til að brugga vodkann.

Það var nú allveg rétt hjá Jan að þessi vodki var bara alls ekkert svo slæmur, það var eiginlega ekkert vont bragð af honum. Eini vodkinn sem ekki þarf að kæla, segir Jan.

kv.
Jens